Biddanoa de Forru – Ruralbus

Progetu Ruralbus su 4 de su mesi de ladàmini in Biddanoa Forru

Su Comunu de Biddanoa de Forru tenit su prexu de tenni su 4 de su mesi de ladàmini de su 2013 in Pratza Costituzione, su progetu RURALBUS, initziativa de s’Arregioni Autònoma de Sardìnnia, cun s’Assessorau a s’Agricoltura e de s’Arreforma agro-pastorali, chi tenit sa tenta de informai is de sa bidda apitzu de is interbentus finantziaus, is pràticas bonas fatas, is oportunidadis e is bantaxus po is comunidadis arruralis chi ndi benint de su PSA Sardìnnia 2007-2013.

Sa manifestatzioni at a partiri faci is 18.00 apustis de sa processioni po Santu Frantziscu in Pratza Costituzione.

In sa firmada ant a apariciai eventus de intratenimentu po sa genti ingunis, giogus in pratza po is pipius e nci at a essi puru unu info point anca at a fai a pigai informus apitzu de su Programa de Svilupu Arrurali (bandus e finantziamentus, benefitziàrius, leader). Ant a donai libureddus, lìburus e materiali informadori, in prus gadget promotzionalis (mallieddas, capeddeus, pinnas USB, pùncias eac.).

Sa firmada de Biddanoa de Forru at a essi un’acasu po sa genti de su logu po otenni scedas bonas po s’atuatzioni de su PSA Sardìnnia 2007-2013, po custu s’aministratzioni cumbidat a is massajus a pigai parti a sa manifestatzioni.

Po ndi sciri de prus: http://www.sardegnaruralbus.it

Biddanoa de Forru – Noas de su Museu

“Intendi su Museu” – Presentada de sa setzioni tàtilu e serbìtziu de audioghias

Biddanoa de Forru su 29 de su mesi de cabudanni de su 2013 a is 18.00

Po sa Giorronada Europea de su Patrimòniu ant a presentai initziativas de su Museu po promovi a connoscèntzia de is colletzionis suas de sa Marmidda de sa Preistòria a s’Edadi de Mesu e a s’Edadi Moderna. Intra de custass’ativatzioni de is audioghias in 5 lìnguas e sa setzioni tàtili po is chi no bint.

Biddanoa de Forru – “Le Parole Ritrovate”

Cumbènniu arregionali “Le Parole Ritrovate” (Is fueddus torraus a agatai). Su 27 de cabudanni de su 2013

Su 27 de cabudanni de su 2013 cumentzendi de is 9 oras, nci at a essi in Biddanoa de Forru, in sa Palestra Comunali, su cumbènniu arregionali “Le Parole Ritrovate” (Is fueddus torraus a agatai).

Programas e scedas de su cumbènniu in su manifesteddu chi fait a scarrigai crachendi innoi.