Ofìtziu de sa Lìngua Sarda

Seus s’Ofìtziu de sa Lìngua Sarda de su progetu Marmidda Bilìngua Oi chi pigat is Comunus de Biddanoa, de Forru, de Biddanoa Franca, de Forru, de Lunamadro’, de Pauli Arbarei, de Seddori e de Siddi. Su traballu nostu est a pesai su bilinguismu in custas biddas .

A pesai su bilinguismu bolit nai a imperai e a fai andai a innantis su sardu comenti a s’italianu e duncas, po su chi spetat a custu ofìtziu

  • a tradusi is àutus pùbricus e is manifestus chi andant a sa genti;
  • a agiudai is aministradoris, is impreaus/adas comunalis e sa genti chi bolint tradusiduras in sardu;
  • a studiai is leis de is minorias linguìsticas e a apariciai progetu;
  • a apariciai cuncursus e a imprentai lìburus po spainai su sardu;
  • a arregolli is mellus documentus de polìtica linguìstica;
  • a circai e a studiai is fueddus de su connotu marmiddesu, campidanesu e sardu;
  • a ponni in s’arretza (internet) is informus e is scedas apitzu de is biddas nostas, apitzu de sa polìtica linguìstica, imperendi is mellus ainas chi oindii fait a agatai, est a nai is blog, is social network che facebook e aici nendi;

…e àtera cosa meda ancoras.

Po custa arrexoni s’Ofìtziu de sa Lìngua Sarda de su progetu Marmidda Bilìngua Oi est arrelatau cun is àterus Comunus e Provìntzias chi tenint sa pròpiu tenta de stantargiai su bilinguismu in Sardìnnia. Medas traballus ddus faeus imparis, cordinendi-sì e faendi nasci unu connotu chi balit po totus, po donai a su sardu cussa ofitzialidadi chi si merescit, apusti de annus de traballus de amantiosus sceti e no de professionistas spertus.

Comenti femus narendi, agoa de annus de sperimentus pionerìsticus, cun totu is faddinas e is arriscus insoru, cun custu traballu boleus ascurtai e arriciri totu is consillus chi ant a arribai de sa genti, de su mundu de su traballu e de s’Universidadi, po cussu fait a s’agatai in s’arretza (internet) dònnia dii, ca ingunis is arrelatas e is arrexonadas funt prus lestras e in pagu tempus fait a intendi genti meda. De custu acaramentu ndi at a bessiri unu traballu scentìficu e democràticu. Nosu si speraus chi diaici ant a traballai is àterus ofìtzius de sa lìngua sarda puru.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione /  Modifica )

Google photo

Stai commentando usando il tuo account Google. Chiudi sessione /  Modifica )

Foto Twitter

Stai commentando usando il tuo account Twitter. Chiudi sessione /  Modifica )

Foto di Facebook

Stai commentando usando il tuo account Facebook. Chiudi sessione /  Modifica )

Connessione a %s...